कर्जत । नेरळ पोलीस ठाणे हद्दीतील साळोख ग्रुप ग्रामपंचायत हद्दीतील नारळे वाडी येथे मोबाईल टॉवर उभारण्याचे काम सुरू आहे. त्या ठिकाणी ३० हजार रुपये खंडणी देण्यात यावी यासाठी सालोख गावातील शोएब बुबेरे याने आपल्या स्वताकडील पिस्तुलाचा धाक दाखवून धमकवण्याचा आणि जीवे ठार मारण्याची धमकी दिली. याबाबत नेरळ पोलीस ठाण्यात गुन्हा दाखल करण्यात आला असून पिस्तुलाचा धाक दाखवणाऱ्या तरुणाला नेरळ पोलिसांनी काही तासातच अटक केली आहे.
साळोख ग्रामपंचायतीमधील नारळे वाडी येथे बी एस एन एल कंपनीचे मोबाईल टॉवर उभारण्याचे काम सुरू आहे. त्या ठिकाणी अकोला जिल्ह्यातील संजू जगदीश मोहिते हेठेकेदार म्हणून काम पाहत आहेत. त्या ठिकाणी सालोख येथील शोएब बुबेरे हा तरुण गेला आणि स्वतःकडील पिस्तुलाचा धाक दाखवून मोहिते यांच्याकडे ३८ हजाराची मागणी करू लागला. १९ डिसेंबर रोजी रात्री ८ वाजता तेथील काम चालू असलेल्या ठिकाणी शोएब हा आपल्या दोन साथीदारांसोबत तोडफोड केली.
एका हातात पिस्तूल घेऊन आणि दुसऱ्या हातात कटावणी घेऊन जीवे मारण्याची धमकी दिली आणि मारहाण केली अशी तक्रार नेरळ पोलीस ठाणे येथे दाखल झाली आहे. त्यांनी आपल्या तक्रारीत बंदू‌क पाहून संजय मोहिते आणि त्यांचे अन्य सहकारी घाबरून गेले. त्यावेळी त्यातील एकाने त्याचा व्हिडिओ काढला ल. परंतु व्हिडिओ काढत असताना शोएबने मोबाईल हिसकावून घेतला आणि त्यामध्ये सर्व व्हिडिओ डिलीट केले. संजीवयांच्या एका साथीदाराने तो व्हिडिओ त्याच्या भावाला व्हाट्सअप ला पाठव होता. तो व्हिडिओ डिलीट करायचा राहून गेला होता. शेवटी हाच पुरावा म्हणून त्याने नेरळ पोलीस ठाण्यामध्ये दाखवला त्या अनुषंगाने २४५/२०२५ अन्वये भारतीय न्याय संहिता कलम ३०८ (५), १२७ (२), ११५ (२), ३५२, ३५१(३), ३(५) भारतीय हत्यार कायदा १५९ चे कलम ३,२५ गुन्हा नोंद केली आहे..
सदरील घटनेचे गांभीर्य व मोबाईल मधील व्हिडिओ पाहून नेरळ पोलीस ठाण्याचे प्रभारी अधिकारी शिवाजी ढवळे यांनी आपल्या सहकाऱ्यांसह रात्रीच त्या भागात जावून शोएब यास पकडून आणले. सध्या पिस्तुलाचा धाक दाखवून धमकवणारा शोएब हा पोलिसांच्या ताब्यात आहे.
