महाड तालुक्यातील मौजे आसनपोई गावच्या हद्दीत प्रीव्ही स्पेशालिटी कंपनी बाहेर दारू वाटपाच्या वादातून एका मित्राने आपल्याच मित्राच्या डोक्यात लोखंडी पाइपाने हल्ला केल्याची घटना घडली आहे. प्रोसेनजीत शांती दास वय २७ सध्या रा. महाड एमआयडीसी प्रीव्ही स्पेशालिटी कंपनी, मूळ राहणार पश्चिम बंगाल असे जखमी झालेल्या व्यक्तीचे नावआहे. मिथिलेश जवाहर सिंग वय २५ सध्या रा- हणार महाड एमआयडीसी प्रिव्ही स्पेशालिटी कंपनी, मूळ राहणार बिहार, असे आरोपीचे नाव असून आर-खोपोली पोलिसांनी अटक केली आहे.
शनिवारी सायंकाळी ७ वाजताच्या सुमारास फिर्यादी बिरबल नगीना यादव याच्यासह प्रोसेनजीत शांती दास आणि मिथिलेश जवाहर सिंग असे तिघेजण एकत्र जेवण करीत असताना दारू वाटण्याच्या वादातून मिथिलेश जवाहर सिंग याने रागाच्या भरात केलेलें जेवण रूमच्या बाहेर फेकून दिले. यावरून या दोघांमध्ये भांडण सुरू झाले. यानंतर मिथिलेश जवाहर सिंग याने त्रिमूर्ती इंजिनिअरिंग वर्कशॉप मधून लोखंडी पाईप घेऊन यप्रोसेनजीत शांती दासच्या च्या डोक्यावर चेहऱ्यावर जोरदार फटके मारून त्याला गंभीर जखमी केले.
या मारहाणीमुळे जखमी झालेल्या प्रोसेनजीत शांती दास याला प्रथम उपचार करता महाड ग्रामीण रुग्णालय येथे पाठविण्यात आले होते. परंतु जखम गंभीर असल्यामुळे अधिक उपचार करता मुंबई येथे हलविण्यात आले आहे. महाड एमआयडीसी पोलीस ठाणे येथे हाफ मर्डरचा गुन्हा दाखल झाला असून या संपूर्ण गुन्ह्याचा अधिक तपास पोलीस निरीक्षक सानप यांच्या मार्गदर्शनाखाली पोलीस उपनिरीक्षक सुर्वे हे करीत आहेत.
