खोपोली
रायगड प्रेस क्लब संलग्न खालापूर प्रेस क्लब चा १४ वा वर्धापन दिन व पुरस्कार वितरण सोहळा रविवार दि. २४ रोजी मोठ्या उत्साहात साजरा करण्यात आला.
या सोहळ्याला खासदार श्रीरंग बारणे, आमदार महेंद्र थोरवे प्रमुख पाहुणे म्हणून व विशेष अतिथी म्हणून खोपोलीच्या माजी नगराध्यक्ष सुमन औसरमल, राष्ट्रवादी काँग्रेसचे प्रदेश सरचिटणीस हनुमंत पिंगळे, दत्ताजी मसुरकर, शिवसेना नेते सुनिल पाटील, पंचायत समिती सदस्या श्रद्धा साखरे, जेष्ठ नगरसेवक मोहन औसरमल, मतदार संघ अध्यक्ष संतोष बैलमारे, महड देवस्थानच्या कार्याध्यक्ष मोहिनी वैद्य, लायन्स क्लब अध्यक्ष महेश राठी, शेकाप चिटणीस संदीप पाटील यांच्या सह सर्व पक्षीय लोकप्रतिनिधी, प्रशासकीय अधिकारी व रायगड प्रेस क्लबचे अध्यक्ष भारत रांजणकर उपस्थित होते. यावेळी वृत्त निवेदिक विलास बडे यांनी ‘आजकी पत्रकारिता’ या विषयावर मार्गदर्शन केले.
आदर्श सामाजिक कार्य म्हणून जेष्ट सामाजिक कार्यकर्ते श्याम साळवी, आदर्श लोकप्रतिनिधी म्हणून जिल्हा परिषद सदस्य नरेश पाटील, आदर्श प्रशासकीय अधिकारी म्हणून वरिष्ठ पोलिस निरीक्षक धनाजी क्षीरसागर, आदर्श महिला उद्योजिका व उद्योजक म्हणून सुरेखा खेडकर व खोपोली गॅस कंपनीचे उदय साखरे, आदर्श बिल्डर म्हणून कल्याणी गृपचे संचालक खेमंत टेलर, आदर्श सरपंच म्हणून अंकित साखरे, आदर्श डॉक्टर म्हणून डॉ. हेमंत पाटील, डॉ. प्रसाद पाटील, आदर्श
ग्रामपंचायत म्हणून खरीवली ग्रामपंचायत, आदर्श क्रीडा प्रशिक्षक म्हणून शीतल गायकवाड, आदर्श सामाजिक संस्था म्हणून सहज सेवा फाउंडेशन, अपघातग्रस्तांच्या मदतीसाठी सामाजिक संस्था, खोपोली मुस्लिम वेल्फेअर असोसिएशन तसेच र. वा. दिघे राज्य स्तरीय पत्रकार पुरस्कार सुवर्णा धानोरकर तर जीवन गौरव पुरस्कार खोपोलीचे माजी नगराध्यक्ष दताजी मसुरकर यांना आमदार महेंद्र थोरवे व मान्यवरांच्या हस्ते प्रदान करण्यात आला.
