२९ जून गेली २८ हून अधिक वर्षे रंगभूमी, मालिका आणि चित्रपटांच्या माध्यमातून कार्यरत असलेले प्रसिद्ध विनोदी कलाकार, अभिनेते आणि उत्कृष्ट लेखक समीर चौघुले यांचा वाढदिवस.
जन्म. २९ जून १९७३ मुंबई येथे.
‘महाराष्ट्राची हास्यजत्रा’तून प्रेक्षकांना पोट धरुन हसायला लावणारा अभिनेते समीर चौघुले यांनी सुरुवातीला एकांकिका, नाटक, बॅकस्टेजवर खूप स्ट्रगल केला आहे. ‘यदाकदाचित’ नाटकानं त्यांच्या गाडीला खऱ्या अर्थानं धक्का दिला. पुढे त्यांची ‘कॉमेडीची एक्सप्रेस’ वेगानं सुटली. समीर चौघुले हे नाव जरी ऐकले तरी आपोहून गालावर हास्य येते. त्याचे अनेक स्किट आपण ऑनलाईन पाहत असतो. कितीही टेन्शन असेल कितीही त्रास असेल तरीही समीर चौघुले यांचे व्हिडिओ पहिल्या वर चेहऱ्यावर हसू येणार ह्यात काहीच शंका नाही. समीर चौघुले यांनी आपले शालेय शिक्षण शैलेंद्र एज्युकेशन सोसायटी मधून केले तर त्यांनी महाविद्यालयीन शिक्षण एम एल डहाणूकर कॉलेज ऑफ कॉमर्स मधून पूर्ण केले. त्यांना अभिनयाचे वेड होते. त्यांनी महाविद्यालयीन जीवनात अनेक नाटकात काम करायला सुरुवात केली होती. आपले कॉलेज संपल्यानंतर त्यांनी ह्याच क्षेत्रात आपल्याला करीयर करायचे असे ठरवले. सुरवातीला मुंबईत नोकरी करत असताना त्यांचा अभिनय चालू होता. पुढे नोकरी सोडून ते २००२ मध्ये आपली नोकरी सोडून पूर्णपणे अभिनयात क्षेत्रात काम करण्यास सुरुवात केली. त्यांनी अनेक नाटकात, मालिकात आणि सिनेमात छोट्या छोट्या भूमिका साकारल्या. समीर चौघुले यांनी श्री बाबा समर्थ, बालक पालक, चल रे भोपळ्या टुणूक टुणूक, व्यक्ती आणि वल्ली, यदा कदाचित, वाऱ्या वरची वरात, असा मी असा मी ह्या मराठी नाटकात तर केरी ओन हेवन्स आणि बेस्ट ऑफ बॉटॉम् ह्या इंग्लिश नाटकात सुद्धा कामे केली आहेत.
कायद्याचं बोला, आजचा दिवस माझा, मुंबई मेरी जान, वक्रतुंड महाकाय, पेईंग घोस्ट, मुंबई टाइम आणि विकून टाक ह्या मराठी चित्रपटात सुद्धा त्यांनी अभिनय केला आहेत. समीर चौघुले यांनी सोनी मराठीवरील ‘कॉमेडीची हास्यजत्रा’ ह्या रिएलिटी शोमध्ये काम केले आहे. विशाखा सुभेदार सोबत त्यांची अफलातून कोमेडी नेहमीच रसिक प्रेक्षकांची मन जिंकत आली आहे. सध्या समीर हे सोनी मराठीवरील ‘महाराष्ट्राची हास्य जत्रा’ या या शोमध्ये काम करत आहेत.
समीर चौघुले यांना २०१५ मध्ये झी नाट्यगौरव पुरस्कार आणि २०१६ मध्ये संस्कृती कलादर्पण पुरस्कार सुद्धा मिळाला आहे. गेल्या वर्षी प्रसिद्ध विनोदी अभिनेते राम नगरकर यांच्या स्मृतीप्रित्यर्थ देण्यात येणारा ‘राम नगरकर कला गौरव पुरस्कार’ समीर चौघुले यांना मिळाला आहे. त्याच्या पलीचे नाव कविता समीर चौघुले आहे. त्या या दुनियेपासून लांब राहणे पसंद करतात.
समीर चौघुले ह्यांना वाढदिवसाच्या हार्दिक शुभेच्छा!
